Hoxe abríronse as portas da 37ª ikastola de Seaska. A escola, situada entre as localidades labortanas de Ahetze e Arbona, vén atender a demanda dos municipios que suman en total 4.000 habitantes. SEASKA, que na actualidade escolariza a máis de 4.000 nenos, lembrou que a demanda de escolarización está a incrementarse cada ano.

Debido a este crecemento, cada ano necesítanse máis profesores nas ikastolas de SEASKA, pero para esta asociación de ikastolas non é viable economicamente, polo que necesitan o apoio das institucións francesas. En Francia, o eúscaro non é unha lingua oficial e ao Goberno de París cústalle dar axudas.

Para este novo curso, SEASKA pediu a París 30 profesores, que finalmente pagarán 19. Os membros de SEASKA afirmaron que era menos do que querían, pero que con iso “poderíanse organizar”. "Vai servir para acougar o futuro inmediato, pero as ikastolas de Ipar Euskal Herria van ter que seguir loitando polo futuro. Desgraciadamente Francia non recoñece a nosa lingua”, dixo o ex presidente de SEASKA Paxkal Indo a EiTB en xullo.

Este ano Seaska cumpre 50 anos e realizamos unha exhaustiva reportaxe sobre a súa traxectoria nas Claves da Actualidade.