- O cambio climático está a afectar cada vez máis á meteorología dos incendios e á superficie queimada. Estamos a ver uns incendios realmente devastadores e un estudo da revista Scientific Reports dinos que temos que preparar para máis nos próximos anos.
Si non hai grandes reducións nas emisións de gases de efecto invernadoiro, nos próximos anos haberá un incendio que superará a marca e logo outro, e logo outro… Así o contaron na publicación A Marea, a partir do estudo da revista Scientific Reports. En Europa, nos incendios producidos no verán e primavera, está a producirse nas últimas décadas un cambio sen precedentes (1980-2000) relacionado coa emerxencia climática.
As ondas de calor son cada vez máis frecuentes e a seca hidrológica é cada vez maior; estes dous fenómenos extremos provocados pola emerxencia climática son factores moi importantes á hora de provocar os incendios devastadores que vemos.
O estudo tamén sinala que a zona de bosque e montaña do centro e sur de Europa é a que máis aumentou o risco de incendio. “Este aumento do risco extremo é relativamente recente e supera nos momentos máis críticos as capacidades das sociedades europeas para facer fronte ao incendio, aumentando as emisións de CO2 asociadas ao lume”.