A conselleira de Igualdade do Goberno Vasco, Beatriz Artolazabal, destacou a capacidade dos medios de comunicación para cambiar valores e a importancia da perspectiva de xénero no xornalismo: “Un xornalismo que se afasta dos roles e estereotipos sexistas e da visión androcéntrica do mundo” é necesario, afirma, “especialmente nun momento no que aparecen discursos contra a igualdade que pretenden simplificar a realidade”. Tamén quixo destacar a aprobación dunha nova Lei de Igualdade.

O xurado destacou a “achega pioneira e referencial” de Lucía Martínez Odriozola ao ámbito académico e xornalístico. Pola súa banda , a revista feminista Pikara “converteuse nun punto de referencia polo seu compromiso cos dereitos humanos, sobre todo polo seu compromiso coa igualdade, polo seu compromiso coa documentación das actividades dos movementos das mulleres e polas posibilidades que ofrece as mulleres para participar nos medios de comunicación, debater, mellorar as habilidades comunicativas e descubrir o uso das redes sociais”, afirma o xurado. Por último, Berria destacou o seu “compromiso coa igualdade e o feminismo”, “a través dunha información de calidade que incorpora a perspectiva de xénero como práctica cotiá no traballo de redacción”.

Tamén fixeron un recoñecemento público “a outros profesionais da comunicación que demostran día a día o seu compromiso coa igualdade e a todos os medios de comunicación que traballan na promoción dun xornalismo de calidade que incorpore unha visión feminista e de xénero”.