O Banco Central Europeo iniciou o pasado mes de marzo a compra de débeda pública a través dun programa de 750.000 millóns de euros (PEPP). Así, seguindo as advertencias da presidenta do banco, Christine Lagarde, mobilizaranse outros 600.000 millóns de euros para a compra de bonos, principalmente públicos, que ascenderían a 1,35 billóns de euros. Esta cifra estaría cada vez máis preto dos 2 billóns de euros que o Parlamento Europeo había pedido ás institucións comunitarias para saír da crise en maio.

Este xoves, o BCE anunciou que mantén os tipos de interese e que o programa se prolongará durante seis meses, polo menos até xuño de 2021. De feito, este organismo fixo previsións escuras en relación á economía da zona euro, que este ano se reducirá case un 9% o seu PIB, parámetro que as entidades neoliberais seguen mantendo para medir a marcha da economía, e que subirá un 5% en 2021 e un 3,5% en 2022. É dicir, até dous anos a eurozona non recuperaría o nivel de PIB previo á explosión do coronavirus.

A banca privada gana

Lagarde explicou este xoves en rolda de prensa que o obxectivo do BCE é "limitar ao máximo as manchas que poidan deixar a crise sanitaria" na economía real e nos fogares. Pero, de momento, o beneficio real desta xigantesca operación de compra-venda vaino a notar sobre todo o sector privado. Por que?

O banco central non compra directamente a débeda, senón a través das entidades financeiras privadas intermediarias, co obxectivo de manter controlada a inflación, dixo. A través do mecanismo denominado TLTRO, o banco central cede diñeiro aos bancos privados para que estes compren débeda en condicións máis vantaxosas, e de paso cobran intereses e gañan diñeiro. Segundo o profesor e responsable das políticas económicas de EU en España, Carlos Sánchez, poderían chegar a gañar preto de 9.000 millóns de euros.