O deputado de Desenvolvemento Económico e Territorial da Deputación Foral de Bizkaia, Imanol Padrales, deu a coñecer os obxectivos turísticos até 2025. Segundo informou o diario Deia, coa apertura dos hoteis anunciados, instalaranse en Bilbao un total de 1.000 novas habitacións.

Segundo datos publicados polo diario, os hoteis de Bilbao enchéronse de media un 36% en 2015, mentres que en 2018 a media elevouse ao 58%. A subida tamén afectou aos prezos, segundo revela o estudo Hotel Price Radar, realizado pola compañía HRS Group, que publicou este mércores. Nel recóllese a evolución dos prezos dos hoteis entre 2017 e 2018. En comparación co Estado español, en 2018 os prezos das habitacións dos hoteis da capital biscaíña aumentaron máis que en ningún outro lugar. O prezo medio pasa de 99 euros a 111 euros.

Todos os datos fan fincapé na turistificación da cidade, e os datos do último ano indican que o incremento turístico ten que ver coa macro-iniciativas do ano pasado en Bilbao. Con todo, as institucións valoran positivamente este incremento, xa que, como recolle Deia, a súa intención é “crecer de forma sostible con 85.000 turistas ao ano”. Seguindo con este obxectivo, daranse paso a hoteis de todo tipo e a outras iniciativas macro.