Preto de catorce millóns de vacinas contra COVID19 caducaron en España desde o inicio da campaña de vacinación o 27 de decembro de 2020 até o 14 de novembro deste ano. As doses máis caducadas son as de Pfizer, o maior provedor da Unión Europea. Así o recoñeceu a Axencia Española de Medicamentos (AEMPS nas súas siglas en castelán) en resposta á petición de transparencia realizada polo portal dixital The Objetive.

Concretamente, caducaron 13.870.197 vacinas: 8.226.142 de Pfizer, 2.007.220 da Moderna, 1.842.170 de Novavax, 1.170.390 de Astrazeneca e 624.275 de Janssen.

A AEMPS non informou do custo destas doses que irán ao lixo. The Objetive calcula que son uns 218 millóns de euros.