- California (EE.UU.) segue sendo un dos líderes en políticas a favor das enerxías renovables. Neste sentido, o Comité da Enerxía de California aprobou por unanimidade que todas as casas que se constrúan a partir de 2020 deberán ter obrigatoriamente paneis solares. Prevese que a hipoteca suba un prezo medio de 40 dólares, pero aforrarase 80 dólares en enerxías.
O Comité da Enerxía de California tomou a decisión por unanimidade. Con esta nova lei preténdese aforrar enerxía e facer fronte ao cambio climático. A nova lexislación implantarase a partir do ano 2020 e a partir de entón todas as casas que se constrúan deberán instalarse paneis solares.
California leva anos aplicando políticas de enerxías renovables. Nos últimos anos investiu 42 millóns de dólares en enerxía solar e distribúe gratuitamente os paneis solares entre as familias de baixos ingresos. O 20% das vivendas de California xa dispoñen de paneis solares.
Os republicanos mostráronse en contra desta medida, alegando que os prezos dos pisos subirán. Con todo, segundo os datos facilitados polo Goberno de California, o aforro medio por fogar sería de 40 euros ao mes: A hipoteca aumentaría en 40 euros, mentres que o consumo de enerxía reduciríase en 80 euros por familia.
Esta noticia publicouna Sustatu e trouxémola grazas á licenza Creative Commons.