En marcha o Araba Euskaraz 2019. A ikastola Armentia será a encargada de organizala este ano e Liher Larrea, presidente da ikastola, explicou que o obxectivo é “estar cerca. Preto dos axentes de Gasteiz, preto da euskaldunización da cidade, preto dos pobos de Álava, preto da euskalgintza, preto da igualdade, dispostos a dar e en definitiva… Dispostos a ser felices. Ese será o obxectivo da nosa Ikastola de face ao futuro. Iso é o que indica o noso logo; é o que significan as frechas”, dixo.

Celebrouse por primeira vez en 1981 e desde entón o festival reuniu a miles e miles de alaveses. A ikastola Armentia, pola súa banda, cumpriu 25 anos e xa conta con máis de 1.200 alumnos e alumnas. “Co festival imos consolidar o proxecto”, explicaron. Destacaron que é un ano moi importante para o eúscaro en Álava con “Euskaraldia, o final da Korrika e o Araba Euskaraz”.

Armentia organizou por última vez o Festival das Ikastolas de Álava en 2006 e desde entón “porque pasaron 13 anos estamos con moitas ganas de organizar o Araba Euskaraz”, explican os alumnos Naroa Velasco e Iratxe Val. Por iso, apostaron por ampliar o programa cultural ao longo de todo o ano. “Aínda que o festival será o 16 de xuño, queremos organizar as actividades culturais de novembro a xuño, tanto en Vitoria-Gasteiz como en toda Álava, é dicir, actuando tamén nos pobos”.

>>> Este artigo trouxémolo da web de Ala Bedi Irratia aproveitando a licenza libre CC-By-SA.