As imaxes foron captadas polo satélite Copernicus Sentinel-5P e os resultados foron publicados pola ESA: “O satélite Copernicus Sentinel-5P ha mapeado recentemente a contaminación do aire en Europa e China e, en liña coas estritas medidas de corentena, puxo de manifesto un notable descenso nas concentracións de dióxido de nitróxeno (NO2)”. O NO2 é unha das sustancias contaminantes máis importantes que emiten os vehículos e a industria.

A investigación foi liderada por científicos do Instituto de Meteorología Real dos Países Baixos (KNMI), entre outros. Comparouse o mapa da contaminación media do pasado mes de marzo coa media do 14 ao 25 de marzo deste ano. "As concentracións de dióxido de nitróxeno cambian dun día para outro como consecuencia dos cambios no clima. Non se poden sacar conclusións cunha comparación dun día", explicou un portavoz de KNMI. Para que os resultados sexan máis fiables hai que ter en conta máis variables, e niso están a traballar os membros de KNMI xunto con máis científicos do mundo, pero as imaxes son, en calquera caso, ilustrativas.

Persiste o risco

Non é a primeira vez que se detecta o efecto beneficioso que a crise do coronavirus tivo na contaminación. Con todo, tal e como recolleu Urko Apaolaza en ARGIA: "A Organización Meteorolóxica Mundial (OMM) advertiu de que isto non freará por si só o cambio climático, xa que os niveis de dióxido de carbono superan aos do ano pasado. É máis, esta institución teme que, unha vez pasada a emerxencia sanitaria, as emisións de CO2 aumenten enormemente, como ocorreu coa crise financeira de 2008”.

Comparativa interactiva da contaminación en España, aquí.