- O Concello de Aduna informou mediante bando da convocatoria de subvencións para paliar os danos económicos causados pola COVID-19. Subvencionarase con 600 euros ás persoas que realicen contratacións ou reducido a súa xornada de traballo para o coidado de nenos, nenas ou anciáns como consecuencia do peche de escolas e centros de día. Tamén se apoiará aos pequenos comercios e hostaleiros que tiveron que pechar as súas portas, até 500 euros. Para iso, o Concello aprobou unha bolsa de 25.000 euros con cargo aos orzamentos municipais.
As axudas para coidados concederanse nas seguintes condicións: As contratacións que se realicen para o coidado de nenos e nenas de 12 anos ou persoas dependentes de todas as idades, como consecuencia do COVID-19, subvencionaranse con 600 euros mensuais por unidade de convivencia se o contrato é a xornada completa (si a xornada é máis reducida, a axuda tamén será máis reducida). Deberase asegurar o cumprimento do Convenio de Traballo na área de Vixilancia.
No caso de redución de xornada para o coidado de menores de 12 anos ou dependentes ou solicitude de permiso sen soldo, o Concello subvencionará con 600 euros mensuais por unidade de convivencia, no caso de redución a xornada completa (ás reducións máis baixas concederáselles unha axuda menor).
Axudas a pequenos comercios e hostaleiros que tiveron que pechar as súas portas
As pequenas tendas e establecementos de hostalaría con domicilio fiscal en Aduna recibirán unha axuda de 500 euros ao mes, e disporán dun suplemento de 100 euros por cada traballador a xornada completa (no caso de traballadores a tempo parcial o suplemento reducirase proporcionalmente). O límite máximo será de 1.000 euros ao mes.
Aquí pódese ler integramente a convocatoria desta subvención de urxencia. As persoas empadroadas na localidade teñen de prazo até o 5 de xuño para realizar a solicitude enchendo o seguinte formulario.