Manuel López Treviño torturatzailea eta Zarauzko Guardia Zibilaren burua hil zuen ETA pm-k. Badajozen jaioa, antieuskaldun ezaguna zen herrian eta Txerrimutur gisa ezagutzen zuten. ETA pm-k atentatua bere gain hartu zuen komunikatuan azaldu zuenez, pertsona ugarik salatu zuten López Treviñok torturatu zituela, eta heriotzara zigortutako Txiki, Otaegi eta Garmendia etakideei elkartasuna adierazteko manifestazio batean “euskaldunak hil!” oihukatuz jendearen aurka tiroka hasi zela. Atentatuaren erantzuleak harrapatu nahian, Guardia Zibilak dozenaka pertsona atxilotu eta torturatu zituen Zarautzen, eta martxoan herria okupatu zuen, tabernak hustu eta etxeetako leihoei tiro egin zieten.