Kutxabankeko presidenteak onartu zuen hilean 6.000 euro ematen zizkiotela Espainiako Gobernuaren EAEko ordezkari ohiari. Mario Fernández presidenteak epaitegian esan zuenaren arabera, Estatu politika zen ETAren aurkako borrokarekin lotutako pertsonei lan irteera bat eskaintzea. Kutxabankek hilean milaka euro eman zizkion abokatu bufete baten bidez PSE-EEko Mikel Cabiecesi. Kutxabankek berak jarri zuen salaketa, Fernándezen agintaldian zehar irregulartasunak atzeman ostean.