Kataluniako presidente Companys fusilatu zuten frankistek Montjuïceko gazteluan. Abuztuaren 29an atxilotu zuen, Frantzian errefuxiatutako agintari errepublikanoak jazartzeko ardura zuen Pedro Urraca frankistak, polizia militar alemanaren laguntzaz. Frankismoaren esku utzi zuen Irungo Avenida Zubian, Madrilera eraman zuten eta bertan torturatu ostean Bartzelonan heriotzara zigortu zuten inongo justizia bermerik gabeko gerra kontseilu sumarisimoan. Bere azken hitzak “Per Catalunya!” izan ziren. Aurretik, 1934ko urrian Kataluniako Estatua aldarrikatu zuen, Espainiako Errepublika Federalaren barnean.