Karlistek Lizarra hartu eta Estatuaren hiriburu izendatu zuten. Lehen erasoaldia uztailean egin zuten eta hiria hiru egunez setiatu zuten. Gobernuaren tropek, ordea, erretiratzera behartu zituzten. Abuztuaren 17an hasi zuten bigarren erasoaldia, eta ia 1.000 kanoikada jaurti zituzten hiria defendatzen ari ziren 250 soldadu liberalen aurka. Hiria hartzean, errenditutako soldaduak Iruñera eskoltatu zituzten eta euren ausardia onartu. Estatu Karlistaren hiriburua ezarri zuten Lizarran handik hiru urtera, 1876an liberalek hartu zuten arte.