John Lennon musikaria hil zuen Mark David Chapmanek New Yorken. Mundu mailan ospe handikoa den Beatles taldeko sortzaile eta partaidea zen Lennon. Ekintzaile bakezalea ere bazen eta bere bakarkako karreran Give Peace a Chance (Eman bakeari aukera bat) abesten zuen. Yoko Ono emaztearekin beren apartamentura itzultzen ari zela tirokatu zuen Chapmanek. Chapmanek buruko gaixotasunen ondorioz obsesioa garatu zuen Lennonekin, eta bere eraikinaren kanpoaldean orduak eman zituen gainontzeko zaleekin batera. Arratsaldean autografo bat eskatu zion –argazkian– eta ilunabarrean eraso egin zion Lennoni.