Itoiz urtegiaren aurka Agoitz erdigunean kateatu ziren ekintzaileak, trafiko handiko errepidea bi ordu eta erdiz moztuta. Urtegiko lanetan zebiltzan hainbat ibilgailu geldiarazi zituzten protestarekin. Itoizekin Elkartasuna taldeko zazpi kide atxilotu zituen Guardia Zibilak. Atxilotuak lehenik Agoizko polizia-etxera eta ondoren Iruñeko Komandantziara eraman zituzten. Datuak hartu ostean aske utzi zituzten.