Hegazkin bat erori zen Oiz mendian, Bizkaian. Madril eta Sondika arteko ibilbidea egiten zuen Iberia konpainiaren hegazkinak istripua izan zuen, giza akats baten ondorioz. Hegaletako batek Oizen zegoen EiTBren antena bat jo eta kontrola galdu zuen. Inguruko baserritarrek hegazkina sutan ikusi zuten mendian behera. 148 lagun hil ziren, hegazkinean zihoazen guztiak. Bidaiarien artean Francoren ministro ohi bat eta hainbat enpresari egoteak konspirazio teoriak eragin zituen eta erantzukizuna ETAri egotzi zionik ere izan zen.