Euskara zonifikatzeko lege euskarafoboa aurkeztu zuen publikoki Nafarroako Gobernuak. PSNko Gabriel Urralburu zen presidentea eta hurrengo urteko abenduan onartu zuten Nafarroako Legebiltzarrean. Hiru zonaldetan banatu zen Nafarroa: “Euskalduna”, “mistoa” eta “ez-euskalduna”; bizi diren lekuaren arabera herritarrei hizkuntza eskubideak aitortzen edo ukatzen. Ordutik, Nafarroako leku askotan ez da eskola publikoetan euskarazko eskaintzarik eta lanpostu publikoak eskuratzeko puntu gehiago ematen dituzte atzerriko hizkuntzek, hala nola alemanak, eta euskaragatik ez dute punturik ematen.