Buenos Airesen ETAren aldeko pintaketak egin zituzten Espainiako kontsulatuan. Ez zen Argentinan ETAren aldeko pintaketak azaltzen ziren lehen aldia. Aurreko urteko udaran ere Asociación Patriótica Española-ren lokaletan eta Espainiako enbaxadaren agregatu militarraren etxebizitzan egin zituzten. Horrez gain, ikurrina zeraman eta “Euskadi” eta “Argentina” hitzak idatziak zituen helikoptero batetik ETAk sinatutako esku-orriak jaurti zituzten ehunka paraxut txikirekin.