Berlinen, Itoizen aurka irrati-telebistaren dorre batetik zintzilikatu ziren. Itoizekin Elkartasuna taldeko hiru kidek zintzilikatutako pankarta handiak “Itoizko urtegia gelditu” zioen, alemanieraz. Bi ekintzailek gaua dorrean igarotzea aurreikusia bazuten ere, jaistera behartu zituen hotzak. Poliziak hirurak atxilotu zituen. Bezperan, zazpi ekintzaile Brandeburgoko atera kateatu ziren. Bira europarra abiatu zuten Itoizko urtegiaren proiektuan zeuden irregulartasunak salatu eta eraikuntza bertan behera uztea eskatzeko. Horretarako, fidantzapeko baldintzapeko askatasunaren baldintzak urratu eta Espainiako Estatutik atera ziren.