UPNren Gobernuak Eusko Jaurlaritzaren egitekoa zela zioen, baliabide ekonomikoak hark jarri behar zituela... Gobernu aldaketarekin batera etorri da albistea: Iruñerrian, ETBren lau kateak Lurreko Telebista Digitalaren bidez ikusi ahal izango dira hemendik aurrera. Orain arte ETB1 eta ETB2 modu analogikoan ikus zitezkeen eta ETB3 eta ETB4 internet bidez baino ez. Iruñerriko herritarrek telebista bersintonizatu beharko dute Erreniega eta Ezkaba mendietako errepikagailuen seinalea ondo jasotzeko. Eusko Irratiko irratiak ere digitalean zabalduko dira.