Ni neu aldatu
Joxerra Garziak Egonean doazen geziak (Alberdania, 2000) ezohiko liburua kaleratu zuen. Genero eta estilo nahasketatik abiatuta, funtsean aforismoen itxura hartzen duen bilduma da liburua. Interesgarria, oso ona. Egileak, arloetako batean, Goebbelsen honako esaldi ezagun hau hartzen du bere gogoeta egiteko: “Gezur bat, edozein delarik ere, egia bihurtzen da behar adina aldiz errepikatuz gero”. Eta esaldiari buruzko hausnarketa egiten du, esanez, Goebbelsek arrazoi zuela egiaztatzeko ez dagoela oso urrutira joan beharrik. Baina okerrena, ez dela hori. Okerrena da egia ere gezur bihurtzen dela, behar baino gehiagotan errepikatuz gero. Nik gezurra beti dela eta izango dela gezur, eta egia beti dela eta izango dela egia sinestu izan dut, baina okerra litzateke nork bereak dituela zaintzen ukatzea. Guztiok gara gure gezur eta egien maitale. Norberak bere esperientzia bakoitza sortzen du, gezurra eta egia pentsatzeko eta sentitzeko duen moduaren arabera. Pentsatzen, sentitzen eta hitzetan jartzen ditugun gezurrak eta egiak osatzen dituzte, azken finean, munduari eta bizitzari buruz ditugun usteak. Nik beti sinestu nuen egia gezurra baino askoz ere boteretsuago, jakintsuago, justuago zela, baina “teorema” horrek niretzat baino ez du balio. Bizitza osoa egin dut egia baten bila, eta saiatu naiz harremanen bidez, politikaren bidez, erlijioaren bidez, maitasunaren bidez, diruaren bidez, kulturaren bidez, baina orain iritsi naiz ulertzera alferrik ibili naizela bila. Eta ez da izan aurkitu ez dudalako, baizik eta aurkitu dudan bakoitzean, atea ireki eta inor ez, eta ezer ez zegoelako han. Lehenago jakin izan banu orain dakidan gutxi hori, baina, tamalez, ez dago ikasteko beste modurik. Ezjakintasunak sustrai sakonak ditu gizakiongan, horregatik gertatzen zaigu hain zaila benetan jakitea. Eta ez dut esango hori gauza txarra edo ona, gauza zuzena edo okerra denik, giza bizitzaz dakigun egia zaharrenetako bat da, besterik gabe. Baina hau une berri bat da niretzat, eta berriro hasi naiteke une honetan bertan, iraganetik libre. Gaur sinestu, pentsatu eta sentitu nahi dudan horrek eraikiko du nire biharra, nire datorren hilabetea, datorren urtea, eta abar, eta abar. Eta hau une berri bat dela, berriro hasteko aukera berri bat dela ulertzea zoragarri iruditzen zait. Baina hori horrela egin nahi baldin badut, arau hertsi bihurtu ditudan nire gezur eta egia txikietan aldaketa handi batzuk egiteko prest egon behar dut. Nik ezin baitut inor aldatzera behartu, egin dezakedan bakarra ni neu aldatzea baita. Gauzak okerreko alderdiz ikustera jartzen ninduten egiak aldatu. Nire buruaz liluratuta bizitzera eramaten ninduten gezurrak aldatu. Ni neu aldatzen naizen heinean, aldatuko baitira nire mundu guztia eta nire bizitza guztia. Hertsitasunak sustrai sakonak ditu gizakiongan, horregatik egiten zaigu hain zaila ideia berriak eta bizitzeko modu berriak esperimentatzea. Asko dira hasteko egin ditzakedan gauzen artean egin ditzakedanak, baina honako honekin hasiko naiz: prest nago gatazka politikoaren ondorioz piztu zaizkidan ezkortasuna, nekea, gabeziak, mugak edota esperientzia desatseginak elikatzen dituzten jarraibide negatiboak uzteko. Hor ikusten dut nik askatasunerako bidea. Urteak dira kontrakoa egin dudala guztiz, eta ez naiz aldatu. Ez da bidea. Zoriona, berezkotasuna, ahalmen sortzailea berreskuratu nahi ditut. Hemen eta orain. Askatasuna. Nire herriak bezala.
Festa egiteko musika eta kontzertu eskaintza ez ezik, erakusketak, hitzaldiak, zine eta antzerki ikuskizunak eta zientoka ekintza kultural antolatu dituzte eragile ugarik Martxoaren 8aren bueltarako. Artikulu honetan, bilduma moduan, zokorrak gisa miatuko ditugu Euskal Herriko... [+]
Bilbo Hari Gorria dinamikarekin ekarriko ditu gurera azken 150 urteetako Bilboko efemerideak Etxebarrieta Memoria Elkarteak. Iker Egiraun kideak xehetasunak eskaini dizkigu.
Laudion, Aiaran eta Okondon izango du eragina energia azpiegiturak eta plataformaren aburuz, proiektuak eta ingurumen-inpaktuaren azterketak gabezia garrantzitsuak dituzte.
"Entseatzen gira arnas gune bat sortzen Donibane Lohizunen, hain turistikoa den herri honetan". 250 kiderekin Donibane Lohizuneko Begiraleak kultur elkarteak 90 urte bete ditu aurten. Lau emaztek sortu zuten talde hauetan eramaile izan zen Madeleine de Jauregiberri... [+]
Karmela espazio autogestionastuan egingo ditu, eta Euskal Herriko zein nazioarteko gonbidatuak egongo dira bertan. "Koiuntura analisi orokorretik abiatu eta Euskal Herriko borroka internazionalistaren gakoetarainoko bidea" egingo dutela adierazi du Askapenak... [+]
33/2013 Foru Legeari Xedapen gehigarri bat gehitu zaio datozen aldaketak gauzatu ahal izateko, eta horren bidez ahalbidetzen da “erregimen frankistaren garaipenaren gorespenezkoak gertatzen diren zati sinbolikoak erretiratzea eta kupularen barnealdeko margolanak... [+]
2025 amaitu baino lehen Gernikako Estatutuan jasotzen diren eskumen guztiak izatea espero du Jaurlaritzak. Oraindik 25 eskumen falta dira. Transferentzia Batzordea aurreko astean biltzekoa zen baina "agenda arazoak" zirela eta atzeratu zuten.
Elgarrekin izena du Duplak egin duen aurtengo abestiak eta Senpereko lakuan grabatu zuten bideoklipa. Dantzari, guraso zein umeen artean azaldu ziren Pantxoa eta Peio ere. Bideoklipa laugarrengo saiakeran egin zen.
“Kasu, ez gitxu lo!”. Gure denbora eta manerekin baina heldu gira.
Azaroaren 25ean Baionako elgarretaratzera joan ez joan eta autoak nola partekatu pentsatzetik (joan-jina bi oren), bat-batean Lartzabalen elgarretaratze bat antolatu genuen, eta 47 emazte bildu!... [+]
Alemaniako Poliziak asteleheneko gertakariaren arrazoiak "politikoak" zirela baztertu duen arren, 35 urteko Alexander Scheuermann Ring Bund talde neonaziko kide zen. Bi hildako eta hamar zauritu utzi dituen atentatuaren egileak sare sozialetan "gorroto mezuak"... [+]
“Bi pertsona mota daude munduan: euskaldunak, batetik, eta euskaldunak izan nahiko luketenak, bestetik”. Gaztea zela, Mary Kim Laragan-Urangak maiz entzuten omen zuen horrelako zerbait, Idahon (AEBak), hain zuzen. Ameriketan jaio, hazi, hezi eta bizi izandakoak 70... [+]
Martxoaren 8a, Emakumeen Nazioarteko Eguna, munduan zehar milioika emakumeontzat berdintasuna, eskubideak eta justizia eskatzeko borroka eguna da. Hala ere, gerrek, gatazkek eta politika militaristen hazkundeak markatutako testuinguru global batean, inoiz baino premiazkoagoa da... [+]
Geroa Baiko lehendakari eta Nafarroako lehendakariorde izandakoa enpresa bati 2,6 milioi euroko diru-laguntzak ustez modu irregularrean emateagatik zegoen auzipetuta, Davalor auzia deiturikoan. Nafarroako Probintzia Auzitegiak erabaki du auzia behin betiko artxibatzea, legalki... [+]
Nahiz eta Nazio Batuen Erakundeak (NBE) 1977an nazioarteko egun bat bezala deklaratu zuen eta haren jatorriaren hipotesi ezberdinak diren, Martxoaren 8aren iturria berez emazte langileen mugimenduari lotua da.
Euskal Herriko Bilgune Feministak deituta elkarretaratzea egin dute Hernanin Iratxe Sorzabali elkartasuna adierazi eta "babes osoa" emateko. Inkomunikatuta egon zen uneak berriz ere epailearen aurrean kontatu behar izatea, "bizi izandakoak utzitako ondorioen... [+]