Zarauzko bidesaria blokeatu zuen Euskal Herrian Euskarazek. Autobideko bidesariaren ordainagiria euskaraz emateko eskatuz auto karabana osatu zuten, eta A8 autobideak ez zuenez halakorik eskaintzen, banaka-banaka erreklamazio liburuan kexa jartzen aritu ziren, auto-ilara erraldoiak eraginez. Behin erreklamazioa jarrita, ordaindu gabe igarotzen utzi zieten denei. Handik denbora batera, bidesariaren ordainagiria euskaraz ematen hasi ziren.