Vatikanoa Francoren alde lerratu zen, “Gurutzada Nazionala” goraipatuz. 36ko Gerraren hasieran ez zen posizionatu, frankistak Eliza Katolikoaren etsaien aurka ari zirela pentsatu arren, gerra beraren aurka baitzegoen Pio XI Aita Santua. 1938ko ekainean harremanak guztiz normalizatu zituzten frankistekin, eta 1953an Kristoren Orden Gorenarekin saritu zuten Franco, Elizari eskainitako zerbitzuengatik.