Txikia mendekatu zuen ETA pm-k Getxon Morán polizia hilda. Sopelan bizi zen eta Getxoko komisariara joateko egunero hartzen zuen trenetik jaitsi zenean bi tiro jo zizkioten. José Ramón Moránek berak, jendaurrean, behin baino gehiagotan esana zuen berak hil zuela ETAren buruzagi historikoa eta ekintza aldarrikatzeko komunikatuan arrazoia hori izan zela argitu zuen ETA pm-k. Atentatu horri erantzunez, handik hiru egunera salbuespen egoera ezarri zuten agintari frankistek Bizkaian eta Gipuzkoan eta ehunka pertsona atxilotu zituzten. Bi urte lehenago hil zuen Poliziak Txikia Algortan, ihesaldi baten ostean zauritua eta inguratua zela.