Tolosa Gipuzkoako hiriburu izendatu zuten errege dekretu bidez. Gipuzkoak, aurretik, ez zuen hiriburu finkorik izan. 1472an, Batzar Nagusiak ospatzeko txandakako prozedura finkatu zen hiribilduen artean, eta XIX. mende hasieran, korrejidorearen egoitza Azpeitia, Azkoitia, Donostia eta Tolosa artean txandakatzea erabaki zuten. 1844an, ordea, Foruen berrezarpena zela medio, eta Espainian progresista eta moderatuen arteko ika-miketan bigarrenek zuten indarra baliatuta, Tolosa izendatu zuten hiriburu. 1854an, progresistak boterera iristearekin batera, Donostiara lekualdatu zuten hiriburua.