Salvador Puig Antich exekutatu zuen erregimen frankistak. 26 urte zituen eta anarkista zen. Gerra kontseilu batean zigortu zuten heriotzara, polizia bat hiltzea egotzita. Prozesua irregulartasunez betea egon zen. Espainiar Estatu osoan zein nazioartean Puig Antich indultatzea eskatzeko mobilizazio kanpaina abiatu zuten baina diktadoreak ez zion bizia salbatu. Garrotez hildako azken pertsona izan zen Espainiako Estatuan.