Rukeli boxeolari ijitoa hil zuten naziek Neuengammeko kontzentrazio esparruan. Johann Trollmann zuen izena eta romani jatorrikoa zen. 1933an Alemaniako pisu semi-astunen txapedun izan zen, nahiz eta erregimen naziak titulua kendu zion. Berriro borrokatzera deitu zuten, baina bere estiloari uko egin ezean lizentzia kentzeko mehatxupean. Trollmann ilea horiz tindatuta eta azala talko-hautsez zurituta azaldu zen, ariar arraza karikaturizatuta. 1942an atxilotu zuen Gestapok ijitoen aurkako operazio batean. Kontzentrazio esparruan ofizialen aurka borrokatzera behartzen zuten umiliatu asmoz, eta Emil Cornelius izeneko kapoari borrokaldia irabazi ostean, honek kolpeka hil zuen. Romani herriaren martirietako bat da.