Primo de Rivera diktadoreak gaztelaniaz ez ziren eskola-liburu guztiak debekatu zituen. Lehen Hezkuntzako ikuskatzaileek egindako bisitetan aurkitzen bazituzten euskarazko edo “aberriaren batasunaren aurkako joerak” zituzten liburuak, hauek erretiratzeko agindua izango zuten. Irakasleari espedientea zabaldu, soldata-erdia kendu eta lanetik botako zutela adierazten zitzaien.