Pikotx eta mazoak erabilita, Bilboko San Inazioko 30 bat auzokidek Dibisio Urdinaren omenez jarritako monumentua puskatu zuten goizaldean, jaiak ongi amaitzeko.

Espainiako Polizia agertu eta pertsona bat atxilotu zuten. Horren berri zabaltzean, komisaldegi aurrean herritarren protesta izan zen pertsona hori aske utzi zuten arte.

1961ean División Azul kalea eraiki zuten –gaur egun Larrakotorre– eta bertan zen pareta zuri formako monumentua, lorategi batean –argazkiaren erdian–. Bilboko Udalak izendegia aldatzean, hori hor mantendu zuen.

Handik gutxira kendu zuen guztiz udalak.