Nafarroako gaztelu eta harresiak suntsitzen hasi zen armada gaztelarra. Lehenak izan ziren: Zangotza, Rocaforte, Tutera, Korella, Tafalla, Olite, Faltzes, Azagra, Peralta, Mendigorria, Lerin edo Zentronikokoa. Nafarroako erresumaren alde aritutakoen dorre eta gazteluak ere suntsitu zituzten. Honenbestez, mendeetan Nafarroa babestu zuten eta erdi aroko paisaian autoritatearen sinbolo ziren gazteluak desagerrarazi zituzten.