Maine guda-ontzi estatubatuarra lehertu zen Habanan eta AEBek Espainiari egotzi zioten "erasoa". 266 marinel hil ziren. Egun istripua izan zela jakina den arren, gerra deklaratu eta Kubaren Independentzia Gerran sartu ziren AEBak. Erraz garaitu zuten Espainia, eta Parisko Itunaren ondorioz espainiar Inperioak ia kolonia guztiak "galdu" zituen: Kubak independentzia aldarrikatu zuen eta Filipinak, Guam eta Puerto Rico AEBen eskuetara pasa ziren. AEB kanpo politika inperialista garatzen hasten ari zen eta Espainia krisi politiko, sozial eta ekonomiko larrian sartu zen.