Brasilen MST sortu zuten, Lurrik Gabeko Langileen Mugimendua. Herrialdeko nekazaritza lurrak pribilegiatu zuri aberats gutxi batzuen eskuetan zeuden, horietako asko landu gabe, erabilera produktiborik gabe eta kolonizazio garaietan eginiko lapurretan oinarrituta.

Beren lurrik ez zuten nekazariak injustizia horri aurre egiteko antolatzen hasi ziren 1978tik aurrera, batez ere. Lursailak okupatzen hasi ziren eta ordutik mundu mailako herri mugimendu erreferentzialetako bat bilakatu da. Herrialde osoko eragile ezberdinen artikulazioari esker eratu zuten MST.