Lenin hil zen, Sobietar Batasunaren fundatzailea eta lehen gobernuburua. 1917ko Urriko Iraultzako liderra eta teoriko marxista nagusietakoa izan zen. 53 urte zituen eta heriotzaren arrazoia kontrobersia iturri da. Urtarrilaren 27an egin zuten hiletan -30°C-ko hotzari eta elurteei aurre eginez, milioika lagun atera ziren kalera Moskun. Hazkunde ekonomikoa lortzeko Politika Ekonomiko Berriaren helburuak bete ziren bere heriotzaren bueltan. Stalin eta Trotski ziren Leninen tokia hartzeko hautagai nagusiak, eta beren arteko konfrontazioa aurreikusi zuen Leninek hil aurretik.