Kortatu eta Barricada taldeek kontzertua eman zuten Donostiako Martuteneko espetxean. Kontzertuaren ostean, musikariak Joseba Sarrionandia eta beste preso politiko batzuekin erdi-txantxetan solasean aritu ziren, instrumentuen zorroetan ihes egiteari buruz. Musikariek ez zekitena zen prest zeukatela hilabete barru Sarrionandia bera eta Iñaki Pikabea presoak kartzelatik aterako zituen plana: Imanolen kontzertu bat baliatuko zuten bafleen barruan espetxetik ihes egiteko. Urte hartako azaroan Kortatuk Sarri, Sarri abestia kaleratuko zuen ihesaldia ospatzeko.