Joseba Barandiaran hil zuen Donostian Espainiako Poliziak. Hiru egun lehenago, Sanferminetan German Rodriguez hil zuen Poliziak Iruñean, eta hori salatzeko protestak zeuden deituta hainbat lekutan. Aldapeta inguruan barrikadak altxa zituzten manifestariek, eta Polizia Armatuaren kuartel ingurutik metraileta rafaga bat tiro egin zuten, 19 urteko Barandiaran bularrean joz. Argazkian borobilduta, tiroka ari zen polizia.

Gipuzkoako gobernadoreak gezurra esan zuen, eta Espainiano hedabide nagusiek oihartzuna eman zioten: manifestariak armatuta zeudela. Horrek haserrea areagotu besterik ez zuen egin. Agenteek elkar babestu eta kasua artxibatzea lortu zuten, eta ez dute inoiz inor epaitu hilketa honegatik.