Jean Laffite jaio zen Miarritzen, pirata kontrabandista eta esklabista euskalduna. Mexikoko golkoan aritu zen eta XIX. mende hasieran AEBetako Gobernuaren ahuldadea baliatuta eta New Orleansen negozioa egin zuen. 1809an Baratariako badian finkatu zen, eta New Orleansen zuen Pierre anaiaren laguntzaz hiriko merkatu beltzean ospetsu egin zen. Esklaboekin trafikatzen zuen, besteak beste. 1814an, Erresuma Batuaren inbasio saiakeran gerora presidente izatera iritsiko zen Andrew Jackson jeneral estatubatuarrari batu zitzaion, bere burua abertzale estatubatuar gisa berrasmatu zuen.