Giza kate erraldoiek Coca-Colaren eta Pepsiren fabrikak inguratu zituzten Indian. Herri-auzitegiek “hidropiratei” herrialdea uzteko agindu zieten, lantegi horietan ura erauzi eta kutsatzen zutela salatuz. Herritar txiroenei ur edangarria eskuratzea eragozten ari zirela ere aurpegiratu zieten. Freskagarri konpainia erraldoien aurkako borrokan zeresan handia izan zuten Keralako Plachimada tribuko emakumeek.