Generalitateko presidente Lluis Companys eta sei kontseilari espetxeratu zituzten Espainiako epaitegiek. “Matxinada militarra” egotzita, 30 urteko zigorra ezarri zieten, 1934ko urriaren 6an Estatu Kataluniarra aldarrikatzeatik. 1934Ko urriko gertaerek –greba orokor iraultzailea hasi zen urriaren 5ean–, ondorio errepresibo larriak izan zituzten Katalunian. Estatu katalana aldarrikatu eta hurrengo egunean Espainiako Gobernuak gerra egoera aldarrikatu eta militarrak bidali zituen Kataluniara. Egun gutxian 3.400 pertsona eta Kataluniako Gobernua bere osotasunean atxilotu zituzten.