Gaztelako Komuneroen Iraultza amaitu zen Toledoko matxinadaren porrotarekin. 1519an, Gaztelako burgesia ekoizlearen, artisauen, behe-nobleziaren, kleroaren eta nekazarien artean ezinegona hazi zen tronura igo berri zen Carlos enperadorearekiko, honek bere burua Germaniako Erromatar Inperio Santuko enperadore izendatzeko dirua biltzeko asmoa baitzuen Gaztelan, besteren artean. Gaztelako hiriek, enperadorea desobeditu eta Erreinuko Gorte eta Batzar Nagusiak eratu zituzten, hiriak bertako botere iraultzaileen esku utziz. Aro Modernoko lehen iraultzatzat hartzen da.