Euskal Herrian Euskarazeko hiru kide mahaira kateatu ziren Osakidetzako Enplegu Publikoaren Eskaintzako azterketan, Sondikan. Zenbait lanpostu lortzeko euskara jakitea derrigorrezko baldintza izan beharrean, “meritu” soil gisa planteatzen zutela salatu zuten. Mahaira kateatu ziren hiruak zinpeko guardiek atera zituzten arrastaka, zailtasun handiekin. Iraila amaieran oposizioen azterketak hasiz geroztik egin zituen protestak EHEk.