Euskal Herrian Euskaraz taldeko sei kidek euren kontrako epaiketa eten zuten Bergarako epaitegian. Epailearen aurrean epaiketa hura ez zutela onartzen adierazi zuten eta euskaldunentzat euskarazko justizia aldarrikatu zuten. Martxoan gaztelania hutsez egiten ari zen epaiketa bat eteteagatik zeuden deklaratzera deituak. Epaiketa hori eteteak beste prozesu judizial bat zabaltzea eragin zuen. Irteeran, ekintzaileek desobedientziarako deia egin zuten.