Epsilon automobilgintza enpresak iruzur egin zuela frogatu zuten. Ibarretxeren agintaldian EAJk babestutako proiektua izan zen, 1 Formulako talde bat eratzea xede zuena. Erakunde publikoek 50 milioi euro eman zizkioten proiektuari, horietatik 16 Eusko Jaurlaritzak konpainiaren porrotaren ondorioz bere gain hartutako zorrari zegozkionak. Gasteizko epaitegi batek Epsiloneko arduradun Joan Villadelprat zigortu zuen porrot ekonomikoaren ardura berari egotzita. 900.000 euroko isuna ezarri zioten.