Emakumeen Aurkako Delituen Nazioarteko Epaitegia inauguratu zuten Bruselan. Epaiketarako erreferentziak Nurenbergeko epaiketetan zein nazioarteko epaitegietan bilatu zituzten. 40 herrialdetako 2.000 emakumek hartu zuten parte, amatasuna, heterosexualitate derrigortua, kliteridektomiak, bortxaketak eta haurren aurkako sexu-abusuen gaiak landuz. Sorburua aurreko urtean Mexikon ospatu zen Nazio Batuen Emakumeen I. Konferentzia izan zen.