Donostiako La Mota gazteluko presoek bizi-baldintza eskasak salatu zituzten. Gipuzkoako Aldundiari idatzitako gutunean azaldu zutenez, beste umiliazioen artean, euskara baizik ez zekiten presoei euskaraz eginez gero goardiek jipoitu egingo zituztela mehatxu egiten zieten. Hilabete lehenago kartzela horretan egon zen ihesaldi baten ondorioz, baldintzek nabarmen egin zuten okerrera. Aldundiari eskatu zioten beren kargu egiteko eta militarrak lekuz aldatzeko.