Donostia hartu zuten frankistek. Irun galdu ostean, eta frankistak Andoain, Hernani eta Errenteriatik barrena erasoan ari zirela, hiria ebakuatzeko erabakia hartu zuen Defentsa Batzordeak. Frankistek Donostia bandera gorri-horiz josi zuten, eta erakunde ezkertiar, errepublikano eta abertzaleen egoitzak lapurtu eta txikitu zituzten. Defentsa Batzordea defentsa-lerroa antolatzen saiatu zen orduan, frankisten aurrerapena geldiarazi asmoz, baina egun gutxiren buruan frontea Eibar eta Elgetaraino iritsi zen, eta han egonkortu zen. Eskualde horiek salbu, Gipuzkoa kolpisten esku zegoen.