Desastre ekologikoa Suitzan, kimika lantegi bateko sutearen ondorioz 30 tona pestizida, plagizida, kolorant eta merkurio isuri zirenean Rin ibaira. 1350 tona produktu kimikok su hartu zuten eta sutea itzaltzeko erabilitako urarekin filtratu ziren produktuok eta ibaira isuri ziren. Agintarien erantzuna ez zen behar bezalakoa izan eta kutsadura 500 km hedatu zen ibaian barrena, 150.000 angila eta 500.000 arrain hilez. Europan jazoriko desastre ekologiko larrienetako bat izan zen.