Demoek beren lehen jendaurreko ekintza egin zuten Baionako kartzelan. Bi kide “Euskal presoak Euskal Herrira” eta “Demokrazia Euskal Herriarentzat” zioten pankartekin kartzelako murrura igo ziren, eta beste hiruk espetxeko hormetan pintaketak egin zituzten. Poliziak atxilotu egin zituen eta goian zeudenak suhiltzaileen garabiaz jaitsi zituzten. Presoen gerturatzea eskatu zuten, gose greban zeudenei babesa helaraztearekin batera. Demokrazia eskasia salatu, eta era horretako ekimen baketsu eta zuzenak egiten jarraitzeko asmoa adierazi zuten.