Cabo Machichaco lurrunontzia lehertu zen Santanderren. Ybarra konpainia bilbotarrarena zen eta Bilbo eta Sevilla arteko ibilbidea egiten zuen. Santanderko portuan zela ontzian sutea piztu zen, inguruetan ikusmira handia sortuz. Ontziaren kargaren artean 51 tona dinamita zeuden, ordea, arduradunek gerora esan zutenez, haiei jakinarazi gabe, eta izugarrizko eztanda eragin zuen. 590 hildako eta ehunka zauritu eragin zituen, asko euskaldunak. Ingurua erabat suntsitu zuen.