Britainiako armadak 52 pertsona hil zituen Txinako Shajin hirian. Guangzhou hiriko langileek greba abiatu zuten Shanghain britainiarrek hildako manifestariekin elkartasunean. 100.000 lagun batu ziren herrialdeak atzerriko potentzia inperialistekin zituen itunen eta kontzesioen aurka. Protesta Shajira zihoala, britainiar eta frantses soldaduek bidea oztopatu zieten tiroka. Hildakoez gain, 178 manifestari larri zauritu zituzten. Sumindura herrialdean hedatu zen, eta britainiarren aurkako boikot kanpaina arrakastatsua abiatu zuten.